煮飯花
《煮飯花》Tsú-pn̄g-hue
詹雅雯Tsiam Ngá-bûn
——————————————
青春有一蕊花
tshing-tshun ū tsi̍t-luí hue
花店攏無咧賣
hue-tiàm lóng bô teh bē
開佇阮兜門口
khui tī gún tau mn̂g-kháu
相信你捌看過
siong-sìn lí bat khuànn–kuè
相思有一蕊花
siunn-si ū tsi̍t-luí hue
是我家己種的
sī guá ka-tī tsìng ê
開佇阮的心內
khui tī gún ê sim-lāi
感情特別會較濟
kám-tsîng ti̍k-pia̍t ē khah tsuē
花的笑容
hue ê tshiò-iông
你若看有詳細
lí nā khuànn ū siông-sè
是一種幼秀的美麗
sī tsi̍t-tsióng iù-siù ê bí-lē
花的名字
hue ê miâ-jī
你嘛一定聽過
lí mā it-tīng thiann–kuè
也是我溫柔的計畫
iā-sī guá un-jiû ê kè-uē
送你一蕊煮飯花
sàng lí tsi̍t-luí tsú-pn̄g-hue
是我上細膩的坦白
sī guá siōng sè-jī ê thán-pe̍h
想欲佮你做伙
siūnn-beh kah lí tsò-hué
照顧你的一切
tsiàu-kòo lí ê it-tshè
送你一蕊煮飯花
sàng lí tsi̍t-luí tsú-pn̄g-hue
是我上大膽的歹勢
sī guá siōng tuā-tánn ê pháinn-sè
希望你來體會
hi-bāng lí lâi thé-huē
這句心內的話
tsit kù sim-lāi ê uē
