愛甲神仙也難救
《愛甲神仙也難救》Ài Kah Sîn-sian Iā Lân Kiù
詹曼鈴Tsiam Bān-lîng
——————————————
昨暝燒酒飯無停
tsa-mî sio-tsiú-pn̄g bô-thîng
今夜杯影又變形
kim-iā pue-iánn iū piàn-hîng
朦朧的眼神
bông-lông ê gán-sîn
已經看袂清
í-king khuànn buē-tshing
你是朋友是愛人
lí sī pîng-iú sī ài-jîn
恨我自己太認真
hūn guá tsū-kí thài jīn-tsin
恨我是非無分明
hūn guá sī-hui bô hun-bîng
明明是強求
bîng-bîng sī kiông-kiû
為何毋放手
uī-hô m̄ pàng-tshiú
捶心苦疼家己受
tuî-sim khóo-thiànn ka-kī siū
啊~愛甲神仙也難救
ah~ ài kah sîn-sian iā lân kiù
愛甲墜落苦海沐沐泅
ài kah tuī-lo̍h khóo-hái bo̍k-bo̍k-siû
數想輕輕牽著你的手
siàu-siūnn khin-khin khan tio̍h lí ê tshiú
數想佮你來造一个岫
siàu-siūnn kah lí lâi tsō tsi̍t-ê siū
啊~愛甲神仙也難救
ah~ ài kah sîn-sian iā lân kiù
愛甲夢中做你的新娘
ài kah bāng-tiong tsuè lí ê sin-niû
這杯酒
tsit pue tsiú
摻著憂愁
tsham tio̍h iu-tshiû
這條情歌
tsit tiâu tsîng-kua
無人對唱
bô-lâng tuì-tshiùnn
