快樂種田人
《快樂種田人》Khuài-lo̍k Tsìng-tshân-lâng
董事長樂團Táng-sū-tiúnn Ga̍k-thuân
——————————————
歹年冬厚痟人
pháinn-nî-tang kāu siáu-lâng
媒體有夠譀
muî-thé ū-kàu hàm
啊伊都看一个影
ah i to khuànn tsi̍t-ê iánn
伊就生一个囝
i tō senn tsi̍t-ê kiánn
揣頭路真困難
tshuē-thâu-lōo tsin khùn-lân
冊讀遐爾懸
tsheh tha̍k hiah-nī kuân
看破轉去下港
khuànn-phuà tńg-khì ē-káng
綴老爸種田
tuè lāu-pē tsìng-tshân
五點起床
gōo-tiám khí-tshn̂g
六點出門
la̍k-tiám tshut-mn̂g
天也猶未光
thinn iā iáu-buē kng
七點早頓
tshit-tiám tsá-tǹg
八點研究
peh-tiám gián-kiù
現代的田園
hiān-tāi ê tshân-hn̂g
放牛食草
pàng gû tsia̍h tsháu
佈種犁田
pòo-tsíng lê-tshân
汗流規身軀
kuānn lâu kui-sin-khu
原來這是簡單的快樂
guân-lâi tse sī kán-tan ê khuài-lo̍k
褪赤跤出狀元
thǹg-tshiah-kha tshut tsiōng-guân
人生若眠夢
jîn-sing ná bîn-bāng
咱攏是愛土地
lán lóng-sī ài thóo-tē
快樂的種田人
khuài-lo̍k ê tsìng-tshân-lâng
落水落水落水喔
lo̍k-suí lo̍k-suí lo̍k-suí–ooh
風調雨順收成好
hong-tiâu-ú-sūn siu-sîng hó
落水落水落水喔
lo̍k-suí lo̍k-suí lo̍k-suí–ooh
骨力就會有好年冬
kut-la̍t tiō ē ū hó-nî-tang
五點起床
gōo-tiám khí-tshn̂g
六點出門
la̍k-tiám tshut-mn̂g
天也猶未光
thinn iā iáu-buē kng
七點早頓
tshit-tiám tsá-tǹg
八點研究
peh-tiám gián-kiù
現代的田園
hiān-tāi ê tshân-hn̂g
放牛食草
pàng gû tsia̍h tsháu
佈種犁田
pòo-tsíng lê-tshân
汗流規身軀
kuānn lâu kui-sin-khu
原來這是人生的意義
guân-lâi tse sī jîn-sing ê ì-gī
落水落水落水喔
lo̍k-suí lo̍k-suí lo̍k-suí–ooh
風調雨順收成好
hong-tiâu-ú-sūn siu-sîng hó
落水落水落水喔
lo̍k-suí lo̍k-suí lo̍k-suí–ooh
骨力就會有好年冬
kut-la̍t tiō ē ū hó-nî-tang
—
天公伯啊落水喔
thinn-kong-peh–á lo̍k-suí–ooh
闔家平安身體好
ha̍p-ka pîng-an sin-thé hó
落水落水落水喔
lo̍k-suí lo̍k-suí lo̍k-suí–ooh
危機嘛會是好時機
guî-ki mā ē sī hó sî-ki
