心靜
《心靜》Sim Tsīng
詹曼鈴Tsiam Bān-lîng
——————————————
心靜是一種境界
sim tsīng sī tsi̍t-tsióng kíng-kài
心煩是自我虧待
sim huân sī tsū-ngóo khui-thāi
有成功難免有失敗
ū sîng-kong lân-bián ū sit-pāi
天公伯仔自有安排
thinn-kong-peh–á tsū iú an-pâi
心靜就安然自在
sim tsīng tiō an-jiân tsū-tsāi
心酸會增加阻礙
sim-sng ē tsing-ka tsóo-gāi
世間愛有好也有䆀
sè-kan ài ū hó iā ū bái
因果有道理存在
in-kó ū tō-lí tsûn-tsāi
學窗外的路燈
o̍h thang-guā ê lōo-ting
將烏暗變成光明
tsiong oo-àm piàn-sîng kong-bîng
我心內若平靜
guá sim-lāi nā pîng-tsīng
一切路途好風景
it-tshè lōo-tôo hó hong-kíng
—
學花欉度寒冬
o̍h hue-tsâng tōo hân-tang
春風若來滿山紅
tshun-hong nā lâi muá-suann âng
我心內若平靜
guá sim-lāi nā pîng-tsīng
一切路途好風景
it-tshè lōo-tôo hó hong-kíng
