媽媽的心

由陳文傑 · 2021 年 4 月 5 日

日出日落歲月咧走
ji̍t-tshut ji̍t-lo̍h suè-gua̍t teh tsáu

阮咧大漢媽媽咧老
gún teh tuā-hàn má-mah teh lāu

學行彼時上遠行到門跤口
o̍h kiânn hit-sî siōng hn̄g kiânn kàu mn̂g-kha-kháu

目一?就飛離開咱兜
ba̍k-tsi̍t-nih tiō pue lī-khui lán tau

人生有夢追求趁年少
jîn-sing ū bāng tui-kiû thàn liân-siàu

放阮去飛自由去走跳
pàng gún khì pue tsū-iû khì tsáu-thiàu

定定交代若忝就回頭
tiānn-tiānn kau-tāi nā thiám tiō huê-thâu

媽媽的心永遠佇遮等候
má-mah ê sim íng-uán tī tsia tán-hāu

春去秋來一年又過
tshun khì tshiu lâi tsi̍t nî iū kuè

來來去去人生過客
lâi-lâi-khì-khì jîn-sing kuè-kheh

啥人愛我一生一世
siánn-lâng ài guá it-sing-it-sè

只有媽媽毋捌變過
tsí ū má-mah m̄-bat piàn–kuè

人生的夢會當追求偌濟
jîn-sing ê bāng ē-tàng tui-kiû guā-tsuē

予阮去飛賰你孤一个
hōo gún khì pue tshun lí koo tsi̍t ê

真心交代毋管阮幾歲
tsin-sim kau-tāi m̄-kuán gún kuí huè

媽媽的心永遠放袂落去
má-mah ê sim íng-uán pàng buē–lueh