坎坷的情路
《坎坷的情路》Khám-khia̍t ê Tsîng-lōo
詹曼鈴Tsiam Bān-lîng
——————————————
一句情話
tsi̍t-kù tsîng-uē
代表阮所有的一切
tāi-piáu gún sóo-ū ê it-tshè
一夜纏綿
tsi̍t-iā tînn-mî
就是甜蜜的開始
tsiū-sī tinn-bi̍t ê khai-sí
紛紛擾擾的人生
hun-hun jiáu-jiáu ê jîn-sing
吵吵鬧鬧的過程
tshá-tshá-nāu-nāu ê kuè-tîng
阮無愛享受榮華富貴
gún bô-ài hiáng-siū îng-huâ hù-kuì
只要你對阮用心
tsí-iàu lí tuì gún iōng-sim
啊~情路咱行甲
ah~ tsîng-lōo lán kiânn kah
坎坎坷坷的路
khám-khám-khia̍t-khia̍t ê lōo
漸漸袂記
tsiām-tsiām buē-kì
當初的堅持
tong-tshoo ê kian-tshî
就是堅持
tsiū-sī kian-tshî
欲佮你做堆
beh kah lí tsuè-tui
啊~情路
ah~ tsîng-lōo
予阮看見希望
hōo gún khuànn-kìnn hi-bāng
無愛到最後換來一場空
bô-ài kàu tsuè-āu uānn lâi tsi̍t-tiûnn khang
