啥人予阮關心
《啥人予阮關心》Siánn-lâng Hōo Gún Kuan-sim
詹曼鈴Tsiam Bān-lîng
——————————————
一个人
tsi̍t-ê-lâng
孤單來到熟似的城市
koo-tuann lâi-kàu si̍k-sāi ê siânn-tshī
越頭看
ua̍t-thâu khuànn
才了解一切已經過去
tsiah liáu-kái it-tshè í-king kuè-khì
想欲講出喙
siūnn-beh kóng tshut-tshuì
毋知你敢猶有聽見
m̄-tsai lí kám iáu-ū thiann-kìnn
阮稀微的心
gún hi-bî ê sim
也只好借酒來麻醉
iā tsí-hó tsioh tsiú lâi bâ-tsuì
有啥人會當予阮關心
ū siánn-lâng ē-tàng hōo gún kuan-sim
甜蜜的愛情已經冷
tinn-bi̍t ê ài-tsîng í-king líng
應該來離開
ìng-kai lâi lī-khui
抑是踮遮繼續傷心
ia̍h-sī tiàm tsia kè-sio̍k siong-sim
無情的風雨猶原袂停
bô-tsîng ê hong-hōo iu-guân buē thîng
阮欲去走揣新的人生
gún beh khì tsáu-tshuē sin ê jîn-sing
無向望永永遠遠踮你身邊
bô ǹg-bāng íng-íng-uán-uán tiàm lí sin-pinn
