仙拚仙
《仙拚仙》Sian Piànn Sian
董事長樂團 Táng-sū-tiúnn Ga̍k-thuân
——————————————
甘蔗啊好食雙頭甜
kam-tsià–ah hó-tsia̍h siang-thâu tinn
青春啊著愛趁這時
tshing-tshun–ah tio̍h-ài thàn tsit-sî
桌頂拈柑
toh-tíng ni-kam
敢遮爾簡單
kám tsiah-nī kán-tan
食果子著愛拜樹頭
tsia̍h kué-tsí tio̍h-ài pài tshiū-thâu
仙人啊拍鼓也有時錯
sian-jîn–ah phah-kóo iā ū sî tshò
跤步啊踏差啥人無
kha-pōo–ah ta̍h-tsha siánn-lâng bô
人非聖賢啊啥人無錯
jîn hui sìng-hiân–ah siánn-lâng bô-tshò
浪子啊回頭啊看攏無
lōng-tsú–ah huê-thâu–ah khuànn lóng bô
舊情啊思啊雙啊枝
kū-tsîng–ah su–ah siang–ah ki
姻緣啊天啊註啊定
in-iân–ah thinn–ah tsù–ah tiānn
娶某是無閒一工
tshuā-bóo sī bô-îng tsi̍t-kang
娶細姨無閒一世人
tshuā sè-î bô-îng tsi̍t-sì-lâng
前人啊田園啊後人收
tsiân-jîn–ah tshân-hn̂g–ah āu-lâng siu
命底啊無財啊莫強求
miā-té–ah bô tsâi–ah mài kiông-kiû
人毋是仙啊啥人糊塗
lâng m̄-sī sian–ah siánn-lâng hôo-tôo
浪子啊回頭啊離江湖
lōng-tsú–ah huê-thâu–ah lī kang-ôo
舊情啊思啊雙啊枝
kū-tsîng–ah su–ah siang–ah ki
姻緣啊天啊註啊定
in-iân–ah thinn–ah tsù–ah tiānn
娶某是無閒一工
tshuā-bóo sī bô-îng tsi̍t-kang
娶細姨無閒一世人
tshuā sè-î bô-îng tsi̍t-sì-lâng
ㄨ工上tshe kong tshiang
ㄨ工七工tshe kong tshit kong
ㄨ工七工上tshe kong tshit kong tshiang
