一條情歌
《一條情歌》Tsi̍t-tiâu Tsîng-kua
詹曼鈴Tsiam Bān-lîng
——————————————
窗門外啥人徛佇遐
thang-mn̂g guā siánn-lâng khiā tī hia
月光照著孤單影
gue̍h-kng tsiò tio̍h koo-tuann iánn
伊唱著一條情歌
i tshiùnn tio̍h tsi̍t-tiâu tsîng-kua
一條愛來愛去的情歌
tsi̍t-tiâu ài-lâi ài-khì ê tsîng-kua
是為著啥
sī uī-tio̍h siánn
心內一陣疼
sim-lāi tsi̍t-tsūn thiànn
往事閣來折磨著我
óng-sū koh lâi tsik-buâ tio̍h guá
今夜我想起的彼个人
kim-iā guá siūnn-khí ê hit ê lâng
伊佇天邊抑是佇海角
i tī thinn-pinn ia̍h-sī tī hái-kak
風吹過來陣陣的歌聲
hong tshue kuè-lâi tsūn-tsūn ê kua-siann
有摻著思念的酸苦味
ū tsham tio̍h su-liām ê sng-khóo-bī
愛若是失去
ài nā-sī sit-khì
予伊過去
hōo i kuè-khì
為何留戀著伊的氣味
uī-hô liû-luân tio̍h i ê khì-bī
飛佇空中情歌綿綿
pue tī khong-tiong tsîng-kua mî-mî
隨風飄過來閣飄過去
suî hong phiau–kuè-lâi koh phiau–kuè-khì
聽起來句句攏是空虛
thiann–khí-lâi kù-kù lóng-sī khang-hi
擾亂著我失眠睏袂去
jiáu-luān tio̍h guá sit-bîn khùn buē-khì
