借問月娘
《借問月娘》Tsioh-mn̄g Gue̍h-niû
楊哲 Iûnn Tiat
——————————–
風微微吹 今夜的月娘圓
hong bî-bî tshue, kim-iā ê gue̍h-niû înn
天星閃爍美麗的暝
thinn-tshinn siám-sih bí-lē ê mî
思念的伊毋知如今佇佗位
su-liām ê i m̄-tsai jû-kim tī tó-uī
敢有人伴你牽手看月圓
kám ū-lâng phuānn lí khan-tshiú khuànn gue̍h înn
月娘啊借問
gue̍h-niû–ah tsioh-mn̄g
情深緣薄到底為怎樣
tsîng tshim iân po̍h tàu-té uī tsuánn-iūnn
佮伊分開有三秋
kah i hun-khui ū sam-tshiu
癡情猶原日夜想
tshi-tsîng iu-guân ji̍t-iā siūnn
月娘啊借問
gue̍h-niû–ah tsioh-mn̄g
緣份敢是註定由命運
iân-hūn kám-sī tsù-tiānn iû miā-ūn
愛情親像風一陣
ài-tsîng tshin-tshiūnn hong tsi̍t-tsūn
手捀酒杯心酸敬月娘
tshiú phâng tsiú-pue sim-sng kìng gue̍h-niû
