諒解
《諒解》Liōng-kái
楊宗憲Iûnn Tsong-hiàn
——————————————
假使你佮我的戀情
ká-sú lí kah guá ê luân-tsîng
會當閣來一擺
ē-tàng koh lâi tsi̍t-pái
我甘願放棄一切
guá kam-guān hòng-khì it-tshè
行入你的心內
kiânn-ji̍p lí ê sim-lāi
一時不應該
tsi̍t-sî put ìng-kai
糊哩糊塗來傷害
hôo-lí-hôo-tôo lâi siong-hāi
造成今仔日的無奈
tsō-sîng kin-á-ji̍t ê bô-nāi
敢講你對我的情愛
kám-kóng lí tuì guá ê tsîng-ài
完全是錯誤
uân-tsuân sī tshò-gōo
予咱兩人的心內
hōo lán nn̄g-lâng ê sim-lāi
永遠藏著悲哀
íng-uán tshàng tio̍h pi-ai
虛華的世界
hi-hua ê sè-kài
現實來阻礙
hiān-si̍t lâi tsóo-gāi
袂當完成的情愛
buē-tàng uân-sîng ê tsîng-ài
請你著諒解
tshiánn lí tio̍h liōng-kái
啊~為著理想拍拚
ah~ uī-tio̍h lí-sióng phah-piànn
為著愛情痛疼
uī-tio̍h ài-tsîng thàng-thiànn
懵懂的男兒
bóng-tóng ê lâm-jî
欲去佗位請教
beh khì tó-uī tshíng-kàu
欲佮啥人計較
beh kah siánn-lâng kè-kàu
茫茫人生的稀微
bông-bông jîn-sing ê hi-bî
你的真心真意
lí ê tsin-sim tsin-ì
我的漂浪個性
guá ê phiau-lōng kò-sìng
無緣來團圓
bô-iân lâi thuân-înn
聲聲對不起
siann-siann tuì-put-khí
我猶原愛你
guá iu-guân ài lí
