若是有一工
《若是有一工》Nā-sī Ū Tsi̍t-kang
楊哲Iûnn Tiat
——————————————
若是有一工
nā-sī ū tsi̍t-kang
我袂記得我的名
guá buē-kì-tit guá ê miâ
麻煩你著詳細講予我聽
mâ-huân lí tio̍h siông-sè kóng hōo guá thiann
講咱的故事
kóng lán ê kòo-sū
一生的風雨
it-sing ê hong-ú
凡勢我會想起咱的所有
huān-sè guá ē siūnn-khí lán ê sóo-ū
若是有一工
nā-sī ū tsi̍t-kang
你袂認得我的人
lí buē-jīn-tit guá ê lâng
請你毋通拒絕我的攬
tshiánn lí m̄-thang kī-tsua̍t guá ê lám
我的胸坎有燒燒的溫暖
guá ê hing-khám ū sio-sio ê un-luán
曾經陪你寒冬每一暗
tsan-king puê lí hân-tang muí tsi̍t-àm
歲月染成白頭鬃
suè-gua̍t ní sîng pe̍h-thâu-tsang
牽手行甲袂振動
khan-tshiú kiânn kah buē tín-tāng
是咱雙人一生的願望
sī lán siang-lâng it-sing ê guān-bāng
總有一工
tsóng ū tsi̍t-kang
身邊會減一人
sin-pinn ē kiám tsi̍t-lâng
毋通袂記得
m̄-thang buē-kì-tit
咱來生再來牽
lán lâi-sing tsài lâi khan
