爸爸親像山
《爸爸親像山》Pa-pah Tshin-tshiūnn Suann
楊宗憲 Iiûnn Tsong-hiàn
——————————————
細漢爸爸親像山
sè-hàn pa-pah tshin-tshiūnn suann
看伊攏著攑頭看
khuànn i lóng tio̍h gia̍h-thâu khuànn
大風大雨攏毋驚
tuā-hong tuā-hoo lóng m̄-kiann
永遠懸懸徛佇遐
íng-uán kuân-kuân khiā tī hia
大漢爸爸親像山
tuā-hàn pa-pah tshin-tshiūnn suann
總是恬恬無出聲
tsóng sī tiām-tiām bô tshut-siann
想欲親近毋敢倚
siūnn-beh tshin-kūn m̄-kánn uá
毋知伊的心內咧想啥
m̄-tsai i ê sim-lāi teh siūnn siánn
如今爸爸親像山
jû-kim pa-pah tshin-tshiūnn suann
日頭西斜影孤單
ji̍t-thâu sai-tshiâ iánn koo-tuann
想欲佮伊來做伴
siūnn-beh kah i lâi tsuè-phuānn
誰知離阮千里外
siáng tsai lī gún tshian-lí guā
