拚第一
https://www.youtube.com/watch?v=we4soUaqzWg
《拚第一》Piànn Tē-it
楊宗憲 Iûnn Tsong-hiàn
——————————————
人生有千萬種滋味
jîn-sing ū tshian-bān tsióng tsu-bī
苦甜就看自己
khóo tinn tiō khuànn tsū-kí
有人將失敗
ū-lâng tsiong sit-pāi
當做是勇氣
tòng-tsuè sī ióng-khì
有人一切怪天氣
ū-lâng it-tshè kuài thinn-khì
人生有千萬種趣味
jîn-sing ū tshian-bān tsióng tshù-bī
好䆀嘛是自己
hó bái mā sī tsū-kí
有人將命運
ū-lâng tsiong miā-ūn
當做是天理
tòng-tsuè sī thinn-lí
有人勇敢拚落去
ū-lâng ióng-kám piànn–lo̍h-khì
來來
lâi, lâi
逐个攏是上知己
ta̍k-ê lóng-sī siōng ti-kí
逐个攏是上馬摺
ta̍k-ê lóng-sī siōng má-tsih
為著前途佮自己
uī-tio̍h tsiân-tôo kah tsū-kí
互相鬥陣扶持
hōo-siong tàu-tīn hû-tshî
毋通跋倒袂起
m̄-thang pua̍h-tó peh buē khí
來來
lâi, lâi
逐个攏是上知己
ta̍k-ê lóng-sī siōng ti-kí
逐个攏是上馬摺
ta̍k-ê lóng-sī siōng má-tsih
未來攏看我佮你
bī-lâi lóng khuànn guá kah lí
人生愛拚第一
jîn-sing ài piànn tē-it
毋通驚苦來失志
m̄-thang kiann khóo lâi sit-tsì
