戲棚跤
《戲棚跤》Hì-pênn-kha
楊宗憲 Iûnn Tsong-hiàn
——————————————
棚頂搬戲人笑悾
pênn-tíng puann-hì lâng tshiò khong
走落棚跤才知戇
tsáu lo̍h pênn-kha tsiah tsai gōng
搬戲上無有劇本
puann-hì siōng-bô ū kio̍k-pún
現實人生無戲文
hiān-si̍t jîn-sing bô hì-bûn
看是榮華富貴者
khuànn sī îng-huâ hù-kuì-tsiá
走落棚跤若乞食
tsáu lo̍h pênn-kha ná khit-tsia̍h
臺頂妖嬌得人疼
tâi-tíng iau-kiau tit-lâng-thiànn
戲煞上驚是照鏡
hì suah siōng kiann sī tsiò-kiànn
棚頂替人哭悲哀
pênn-tíng thè lâng khàu pi-ai
家己目屎吞腹內
ka-kī ba̍k-sái thun pak-lāi
戲到結局大團圓
hì kàu kiat-kio̍k tuā-thuân-înn
阮的結局是啥物
gún ê kiat-kio̍k sī siánn-mih
