感情的孤兒
《感情的孤兒》Kám-tsîng ê Koo-jî
楊宗憲Iûnn Tsong-hiàn
——————————————
行佇半暝的夜都市
kiânn tī puànn-mî ê iā-too-tshī
陣陣暗風吹微微
tsūn-tsūn àm-hong tshue bî-bî
黃燈閣閃閃爍爍
n̂g-ting koh siám-siám-sih-sih
一絲仔冷
tsi̍t-si-á líng
一絲仔酒意
tsi̍t-si-á tsiú-ì
身邊的人
sin-pinn ê lâng
來來去去
lâi-lâi-khì-khì
這回是你拗回心意
tsit huê sī lí áu huê sim-ì
你敢會佮伊仝款
lí kám ē kah i kāng-khuán
三分鐘鬥陣
sann-hun-tsing tàu-tīn
三分鐘煞煞去
sann-hun-tsing suah-suah–khì
啊~感情的感情的路
ah~ kám-tsîng ê kám-tsîng ê lōo
來搭著這逝車
lâi tah tio̍h tsit tsuā tshia
每一擺轟轟烈烈
muí tsi̍t-pái hong-hong-lia̍t-lia̍t
親像有情閣有義
tshin-tshiūnn ū-tsîng koh ū-gī
表面上成雙成對
piáu-bīn-siōng sîng-siang sîng-tuì
其實嘛是流浪
kî-si̍t mā sī liû-lōng
佇茫茫大海無倚無依
tī bâng-bâng tuā-hái bô-uá bô-i
啊~現代人
ah~ hiān-tāi-lâng
現代人的感情的世界內
hiān-tāi-lâng ê kám-tsîng ê sè-kài lāi
為何遮稀微
uī-hô tsiah hi-bî
分分合合
hun-hun ha̍p-ha̍p
換來換去
uānn-lâi-uānn-khì
親像咧搬戲
tshin-tshiūnn teh puann-hì
揣無永遠的愛人
tshē-bô íng-uán ê ài-jîn
阮猶原孤單
gún iû-guân koo-tuann
猶原是感情的孤兒
iû-guân sī kám-tsîng ê koo-jî
