愛親像放風吹
《愛親像放風吹》Ài Tshin-tshiūnn Pàng Hong-tshue
楊哲Iûnn Tiat
——————————————
愛是多變
ài sī to-piàn
毋免講遐濟
m̄-bián kóng hiah tsē
天光了後
thinn kng liáu-āu
你就是別人的
lí tsiū-sī pa̍t-lâng ê
你講我管你太濟
lí kóng guá kuán lí thài tsē
從來毋捌為你想過
tsiông-lâi m̄-bat uī lí siūnn–kuè
敢講感情
kám-kóng kám-tsîng
真正出了問題
tsin-tsiànn tshut liáu būn-tê
愛是痴迷
ài sī tshi-bê
付出袂後悔
hù-tshut buē hiō-hué
真心對待
tsin-sim tuì-thāi
敢講你攏袂了解
kám-kóng lí lóng buē liáu-kái
我為你付出遮濟
guá uī lí hù-tshut tsiah tsē
你攏毋捌為我想過
lí lóng m̄-bat uī guá siūnn–kuè
痴心對待
tshi-sim tuì-thāi
只賰孤單來陪
tsí tshun koo-tuann lâi puê
愛若親像放風吹
ài ná-tshin-tshiūnn pàng hong-tshue
飛懸愈歹收回
pue kuân jú pháinn siu-huê
這段感情
tsit tuānn kám-tsîng
阮已經也漸漸無資格
gún í-king iā tsiām-tsiām bô tsu-keh
只有慢慢收回
tsí-ū bān-bān siu-huê
將伊搝轉阮心底
tsiong i giú tńg gún sim-té
毋免閣再問
m̄-bián koh-tsài mn̄g
因為傷心會加倍
in-uī siong-sim ē ka-puē
