愛你一段
《愛你一段》Ài Lí Tsi̍t-tuānn
楊欣樺Iûnn Him-huā
——————————————
三月的杜鵑花
sann–gue̍h ê tōo-kuan-hue
是怎樣
sī tsuánn-iūnn
到五月才開一半
kàu gōo–gue̍h tsiah khui tsi̍t-puànn
是毋是季節起變化
sī-m̄-sī kuì-tseh khí piàn-huà
抑是暗示叫阮
ia̍h-sī àm-sī kiò gún
這段感情著看破
tsit tuānn kám-tsîng tio̍h khuànn-phuà
曾經誓言石頭爛
tsan-king sè-giân tsio̍h-thâu nuā
如今你
jû-kim lí
煞予我疼心肝
suah hōo guá thiànn sim-kuann
如果分開
jû-kó hun-khui
你會較快活
lí ē khah khuìnn-ua̍h
我會放手予你行
guá ē pàng-tshiú hōo lí kiânn
我若一个人
guá nā tsi̍t-ê-lâng
嘛會真勇健
mā ē tsin ióng-kiānn
無想欲天地同情我
bô siūnn-beh thinn-tē tông-tsîng guá
毋管結局是按怎
m̄-kuán kiat-kio̍k sī-án-tsuánn
阮無後悔愛你一段
gún bô hiō-hué ài lí tsi̍t-tuānn
