小等一下
《小等一下》Sió-tán–tsi̍t-ē
楊宗憲Iûnn Tsong-hiàn
——————————————
三更半暝
sann-kinn-puànn-mî
孤單毋知對佗去
koo-tuann m̄-tsai uì toh khì
只有月光
tsí-ū ge̍h-kng
了解阮心內的稀微
liáu-kái gún sim-lāi ê hi-bî
仝款的路
kāng-khuán ê lōo
如今只賰阮的跤步
jû-kim tsí tshun gún ê kha-pōo
身邊的人
sin-pinn ê lâng
變成寒冷的風
piàn-sîng hân-líng ê hong
徛在窗邊
khiā tsāi thang-pinn
恬恬看你來離開
tiām-tiām khuànn lí lâi lī-khui
千言萬語
tshian-giân bān-gú
毋知如何講會出喙
m̄-tsai jû-hô kóng ē tshut-tshuì
忍著傷悲
jím tio̍h siong-pi
過了一暝又閣一暝
kuè-liáu tsi̍t-mî ū-koh tsi̍t-mî
回頭已經看無咱的纏綿
huê-thâu í-king khuànn-bô lán ê tînn-mî
小等一下
sió tán–tsi̍t-ē
毋通親像若風吹
m̄-thang tshin-tshiūnn-ná hong-tshue
小等一下
sió tán–tsi̍t-ē
聽阮講出心內話
thiann gún kóng-tshut sim-lāi-uē
所有後悔
sóo-ū hiō-hué
囥佇阮心肝底
khǹg tī gún sim-kuann-té
希望早日對你解說
hi-bāng tsá-ji̍t tuì lí kái-sueh
咱的誤會
lán ê gōo-huē
