失落情
《失落情》Sit-lo̍h Tsîng
楊宗憲Iûnn Tsong-hiàn
——————————————
故鄉黃昏
kòo-hiong hông-hun
冷冷清清
líng-líng-tshing-tshing
滿山落葉飄零
muá-suann lo̍h-hio̍h phiau-lîng
舊年秋葉
kū-nî tshiu-hio̍h
落佇你的頭毛
lo̍h tī lí ê thâu-mn̂g
你講你對我愛袂停
lí kóng lí tuì guá ài buē-thîng
故鄉黃昏
kòo-hiong hông-hun
冷冷清清
líng-líng-tshing-tshing
滿心風雨袂平靜
muá-sim hong-hōo buē pîng-tsīng
今年只賰
kin-nî tsí tshun
落葉心頭酸
lo̍h-hio̍h sim-thâu sng
親像你又閣
tshin-tshiūnn lí iū-koh
徛佇阮眼前
khiā tī gún gán-tsîng
啊~失落的失落的
ah~ sit-lo̍h ê sit-lo̍h ê
失落的失落的彼段情
sit-lo̍h ê sit-lo̍h ê hit tuānn tsîng
啊~心愛的心愛的
ah~ sim-ài–ê sim-ài–ê
心愛的心愛的你佇陀位
sim-ài–ê sim-ài–ê lí tī tôo uī
啊~失落的失落的
ah~ sit-lo̍h ê sit-lo̍h ê
失落的失落的彼段情
sit-lo̍h ê sit-lo̍h ê hit tuānn tsîng
想欲問故鄉你敢知
siūnn-beh mn̄g kòo-hiong lí kám tsai
