天涯總有相會時
《天涯總有相會時》Thian-gâi Tsóng Ū Siong-huē Sî
楊宗憲Iûnn Tsong-hiàn
——————————————
咱來合唱這條歌
lán lâi ha̍p-tshiùnn tsit tiâu kua
大聲來合唱
tuā-siann lâi ha̍p-tshiùnn
毋免驚
m̄-bián kiann
今夜離開後
kim-iā lī-khui āu
分東西
hun tang-sai
何時再相會
hô-sî tsài siong-huē
啥人知
siánn-lâng tsai
知己惜別免目屎
ti-kí sioh-pia̍t bián ba̍k-sái
千言萬語囥佇心內
tshian-giân bān-gí khǹg tī sim-lāi
朋友這杯啉予焦
pîng-iú tsit pue lim hōo ta
醉予茫茫也毋驚
tsuì hōo bâng-bâng iā m̄-kiann
前途雖然一片茫茫
tsiân-tôo sui-jiân tsi̍t-phiàn bâng-bâng
艱苦也著行
kan-khóo iā tio̍h kiânn
坎坷路你我相照顧
khám-khia̍t lōo lí guá sio-tsiàu-kòo
從今後
tsiông-kim-āu
各人行家己的路
kok-lâng kiânn ka-kī ê lōo
過去的情份
kuè-khì ê tsîng-hūn
毋通來袂記
m̄-thang lâi buē-kì
天涯總有相會時
thian-gâi tsóng ū siong-huē sî
