借問你
《借問你》Tsioh-mn̄g Lí
葉啟田Ia̍p Khé-tiân
——————————————
為著你傷心規暝
uī-tio̍h lí siong-sim kui-mê
又看見天色漸漸白
iū khuànn-kìnn thinn-sik tsiām-tsiām pe̍h
窗外無人像我遮爾狼狽
thang-guā bô-lâng tshiūnn guá tsiah-nī liông-puē
為著你的話玲瑯踅
uī-tio̍h lí ê uē lin-long se̍h
為著你傷心袂退
uī-tio̍h lí siong-sim buē thè
又看見月娘藏雲底
iū khuànn-kìnn ge̍h-niû tshàng hûn-té
今夜的雨
kim-iā ê hōo
像將心沃落塗
tshiūnn tsiong sim ak lo̍h-thôo
埋著對你愛的情花
tâi tio̍h tuì lí ài ê tsîng-hue
毋相信
m̄ siong-sìn
你會反背
lí ē huán-puē
昨夜猶原
tsa-iā iu-guân
猶是野鳥雙飛
iáu-sī iá-tsiáu siang pue
借問真心
tsioh-mn̄g tsin-sim
敢有地買
kám ū-tè bué
你敢會閣對我坦白
lí kám ē koh tuì guá thán-pe̍h
借問真心
tsioh-mn̄g tsin-sim
敢有地買
kám ū-tè bué
你敢猶會為我難過
lí kám iáu ē uī guá lân-kuè
愛甲遮爾澈底
ài kah tsiah-nī thiat-té
我相信你的解說
guá siong-sìn lí ê kái-sueh
情若會當輪迴
tsîng nā ē-tàng lûn-huê
閣愛你我無後悔
koh ài lí guá bô hiō-hué
