寶島之夜
《寶島之夜》Pó-tó tsi Iā
葉啟田Ia̍p Khé-tiân
——————————————
南國的椰子樹枝
lâm-kok ê iâ-tsí tshiū-ki
搖來又搖去
iô lâi iū iô khì
月光暝約束樹跤
ge̍h-kng-mî iok-sok tshiū-kha
月光暝約束樹跤
ge̍h-kng-mî iok-sok tshiū-kha
雙人欲相見
siang-lâng beh sann-kìnn
河流的水聲優美
hô-liû ê tsuí-siann iu-bí
奏出戀歌詩
tsàu tshut luân-kua-si
姑娘也踮在海邊
koo-niû iā tiàm-tsāi hái-pinn
姑娘也踮在海邊
koo-niû iā tiàm-tsāi hái-pinn
心情暗歡喜
sim-tsîng àm huann-hí
港中的漁船燈影
káng-tiong ê hî-tsûn ting-iánn
漂來又漂去
phiau lâi iū phiau khì
逐家都歡歡喜喜
ta̍k-ke to huann-huann-hí-hí
逐家都歡歡喜喜
ta̍k-ke to huann-huann-hí-hí
等船倚海墘
tán tsûn uá hái-kînn
溫柔的南風微微
un-jiû ê lâm-hong bî-bî
帶著好芳味
tài tio̍h hó phang-bī
姑娘也滿面春風
koo-niû iā muá-bīn tshun-hong
姑娘也滿面春風
koo-niû iā muá-bīn tshun-hong
快樂的暗暝
khuài-lo̍k ê àm-mî
