友情佮愛情

《友情佮愛情》Iú-tsîng Kah Ài-tsîng
葉啟田Ia̍p Khé-tiân
——————————————
朋友做伙應該講道義
pîng-iú tsuè-hué ìng-kai kóng tō-gī
千萬毋通自私佮自利
tshian-bān m̄-thang tsū-su kah tsū-lī
有人開喙合喙拚生死
ū-lâng khui-tshuì ha̍p-tshuì piànn-sinn-sí
若是拄著代誌走去覕
nā-sī tú-tio̍h tāi-tsì tsáu-khì bih
男女感情應該愛理智
lâm-lú kám-tsîng ìng-kai ài lí-tì
毋通迎新棄舊變心意
m̄-thang ngiâ-sin-khì-kū piàn sim-ì
有人開喙合喙我愛你
ū-lâng khui-tshuì ha̍p-tshuì guá ài lí
若是拄著較媠的做伊去
nā-sī tú-tio̍h khah-suí–ê tsuè i khì
友情是歷史以來就開始
iú-tsîng sī li̍k-sú í-lâi tiō khai-sí
愛情是盤古開天就出世
ài-tsîng sī Phuân-kóo khai-thian tiō tshut-sì
這是古早古早所留的原理
tse sī kóo-tsá kóo-tsá sóo lâu ê guân-lí
你若毋知
lí nā m̄-tsai
請你去問天
tshiánn lí khì mn̄g thinn
你若了解
lí nā liáu-kái
是正常的代誌
sī tsìng-siông ê tāi-tsì

您可能也會喜歡…

跳至工具列