斷魂嶺鐘聲淚
《斷魂嶺鐘聲淚》Tuān-hûn-niá Tsing-siann Luī
葉啟田 Ia̍p Khé-tiân
——————————————
↓↓(口白)—(口白)—(口白)↓↓
乖囝毋通吼
kuai-kiánn m̄-thang háu
爸爸惜
pá-pah sioh
爸爸惜
pá-pah sioh
恁媽媽自你出世了後
lín má-mah tsū lí tshut-sì–liáu-āu
每日就佮爸爸去山頂做工
muí-ji̍t tō kah pá-pah khì suann-tíng tsuè-kang
有一日
ū-tsi̍t-ji̍t
忽然烏天地暗
hut-jiân oo-thinn tē-àm
拄著狂風暴雨
tú-tio̍h kông-hong-po̍k-ú
恁媽媽煞來墜落溪崁
lín má-mah suah lâi tuī-lo̍h khe-khàm
這這是爸爸的罪過
tse, tse sī pá-pah ê tsuē-kò
爸爸的責任啦
pá-pah ê tsik-jīm–lah
今仔日才予你無媽媽
kin-á-ji̍t tsiah hōo-lí bô má-mah
爸爸永遠欲佮你相依為命
pá-pah íng-uán beh kah lí sio-i uî-bīng
毋願閣娶第二个媽媽
m̄-guān koh tshuā tē-jī ê má-mah
甘願欲養飼你到大漢
kam-guān beh iúnn-tshī lí kàu tuā-hàn
↑↑(口白)—(口白)—(口白)↑↑
鐘聲若響亮
tsing-siann nā hiáng-liāng
日頭已經暗
ji̍t-thâu í-king àm
鳥隻規群飛向東
tsiáu-tsiah kui kûn hui hiàng tang
予阮看著心茫茫
hōo gún khuànn tio̍h sim bâng-bâng
啊~心茫茫
ah~ sim bâng-bâng
人生啥人親像
jîn-sing siánn-lâng tshin-tshiūnn
我這款的悽慘
guá tsit khuán ê tshi-tshám
↓—–(第二段，佇無口白版有唱)—–↓
想著囝細漢
siūnn-tio̍h kiánn suè-hàn
無娘通疼痛
bô niâ thang thiànn-thàng
天光哭甲日頭暗
thinn-kng khàu kah ji̍t-thâu-àm
予阮傷心目箍紅
hōo gún siong-sim ba̍k-khoo âng
啊~目箍紅
ah~ ba̍k-khoo âng
愛妻你來放捒
ài-tshe lí lâi pàng-sak
乖囝敢袂苦痛
kuai-kiánn kám buē khóo-thàng
↑—–(第二段，佇無口白版有唱)—–↑
斷魂嶺無崁
Tuān-hûn-niá bô khàm
害伊一世人
hāi i tsi̍t-sì-lâng
拆開一對青春夢
thiah-khui tsi̍t-tuì tshing-tshun bāng
予阮每日揣無人
hōo gún muí-ji̍t tshē-bô lâng
啊~揣無人
ah~ tshē-bô lâng
甘願為愛犧牲
kam-guān uī ài hi-sing
養飼著囝大漢
iúnn-tshī tio̍h kiánn tuā-hàn
