愛某毋驚艱苦
《愛某毋驚艱苦》Ài Bóo M̄-kiann Kan-khóo
葉啟田 Ia̍p Khé-tiân
——————————————
透早起來八點鐘
thàu-tsá khí-lâi pueh tiám-tsing
昨暗老闆的有講起
tsa-àm láu-pán–ê ū kóng-khí
做工認真的選一个
tsuè-kang jīn-tsin–ê suán tsi̍t-ê
查某囝欲嫁予我做牽手啊
tsa-bóo-kiánn beh kè hōo guá tsuè khan-tshiú–ah
䢢啊䢢啊挵啊挵啊
tshiāng–ah tshiāng–ah lòng–ah lòng–ah
趕緊來去
kuánn-kín lâi-khì
認真拍拚咧
jīn-tsin phah-piànn–leh
看會嫁我袂
khuànn ē kè guá buē
昨暗夢中夢一夢
tsa-àm bāng-tiong bāng tsi̍t-bāng
夢著老闆的查某囝
bāng-tio̍h láu-pán–ê tsa-bóo-kiánn
大箍孝呆閣大舌猴
tuā-khoo hàu-tai koh tuā-tsi̍h-kâu
老闆講欲嫁予我做屋桑(奧さん)
láu-pán kóng beh kè hōo guá tsuè ok-sàng
三啊三啊八啊八啊
sam-ah sam-ah pat–ah pat–ah
又閣孝男面
iū-koh hàu-lâm-bīn
老闆的千金囝
láu-pán ê tshian-kim-kiánn
哪會遮爾䆀
ná ē tsiah-nī bái
坐車往西佮往東
tsē-tshia óng sai kah óng tang
想來想去無彩工
siūnn lâi siūnn khì bô-tshái-kang
阮是艱苦的散赤人
gún sī kan-khóo ê sàn-tsiah-lâng
每日三頓實在是真困難啊
muí-ji̍t sann-tǹg si̍t-tsāi sī tsin khùn-lân–ah
烏白畫啊烏白捎啊喔
oo-pe̍h uē–ah oo-pe̍h sa–ah-ooh
也是無半項
iā-sī bô-puànn-hāng
敢欲嫁我這款散赤人
kám beh kè guá tsit khuán sàn-tsiah-lâng
