今夜無欲講政治
《今夜無欲講政治》Kim-iā Bô Beh Kóng Tsìng-tī
葉啟田Ia̍p Khé-tiân
——————————————
今仔日風微微
kin-á-ji̍t hong bî-bî
涼涼仔四序
liâng-liâng-á sù-sī
輕輕鬆鬆踮厝
khin-khin-sang-sang tiàm tshù
啉茶食番薯
lim tê tsia̍h han-tsî
聽歌啉酒行棋
thiann kua lim-tsiú kiânn-kî
有閒做你
ū-îng tsuè lí
橫直今夜
huînn-ti̍t kim-iā
阮也無欲講政治
gún iā bô beh kóng tsìng-tī
有人開車抗議
ū-lâng khui-tshia khòng-gī
有人看戲
ū-lâng khuànn-hì
也有人來咒誓予朋友死
iā ū-lâng lâi tsiù-tsuā hōo pîng-iú sí
台灣這款天氣
Tâi-uân tsit khuán thinn-khì
來問氣象局
lâi mn̄g qìxiàngjú
聽講晴時多雲
thiann-kóng qíngshíduōyún
偶爾有點毛毛暴風雨
ôu’ěr yǒudiǎn máomáo bàofēngyǔ
敢講你攏無欲
kám-kóng lí lóng bô beh
對這片土地來關心
tuì tsit phìnn thóo-tē lâi kuan-sim
(有那麼嚴重嗎)
(yǒu nàme yiánzhòng ma)
請你莫講一寡
tshiánn lí mài-kóng tsi̍t-kuá
迷人的故事
bê-lâng ê kòo-sū
今仔日阮無欲講政治
kin-á-ji̍t gún bô beh kóng tsìng-tī
買衫買車買醉
bé sann bé tshia bé tsuì
用錢真媠氣
īng tsînn tsin suí-khuì
等甲轉去
tán kah tńg-khì
覕咧厝裡食泡麵
bih leh tshù-lín tsia̍h phàu-mī
皮包擠甲圓圓
phuê-pau tsik kah înn-înn
穿是亞曼尼
tshīng sī A-má-nih
只有頭殼空空
tsí-ū thâu-khak khang-khang
彼是咱的囝兒
he sī lán ê kiánn-jî
敢講你攏無欲
kám-kóng lí lóng bô beh
對咱的教育來關心
tuì lán ê kàu-io̍k lâi kuan-sim
(這款的猩猩人類)
(tsit khuán ê xingxing jîn-luī)
請你莫講一寡
tshiánn lí mài-kóng tsi̍t-kuá
迷人的故事
bê-lâng ê kòo-sū
今仔日阮無欲講政治
kin-á-ji̍t gún bô beh kóng tsìng-tī
請你來鬥鬧熱
tshiánn lí lâi tàu-lāu-jia̍t
請你做伙來關心
tshiánn lí tsuè-hué lâi kuan-sim
管你是芋仔番薯
kuán lí sī ōo-á han-tsî
請你莫講一寡
tshiánn lí mài-kóng tsi̍t-kuá
迷人的故事
bê-lâng ê kòo-sū
今仔日阮無欲講政治
kin-á-ji̍t gún bô beh kóng tsìng-tī
有人開車抗議
ū-lâng khui-tshia khòng-gī
有人看戲
ū-lâng khuànn-hì
也有人來咒誓予朋友死
iā ū-lâng lâi tsiù-tsuā hōo pîng-iú sí
台灣這款天氣
Tâi-uân tsit khuán thinn-khì
來問氣象局
lâi mn̄g qìxiàngjú
聽講晴時多雲
thiann-kóng qíngshíduōyún
偶爾有點毛毛暴風雨
ôu’ěr yǒudiǎn máomáo bàofēngyǔ
敢講你攏無欲
kám-kóng lí lóng bô beh
對這片土地來關心
tuì tsit phìnn thóo-tē lâi kuan-sim
(有那麼嚴重嗎)
(yǒu nàme yiánzhòng ma)
請你莫講一寡
tshiánn lí mài-kóng tsi̍t-kuá
迷人的故事
bê-lâng ê kòo-sū
今仔日阮無欲講政治
kin-á-ji̍t gún bô beh kóng tsìng-tī
買衫買車買醉
bé sann bé tshia bé tsuì
用錢真媠氣
īng tsînn tsin suí-khuì
等甲轉去
tán kah tńg-khì
覕咧厝裡食泡麵
bih leh tshù-lìn tsia̍h phàu-mī
皮包擠甲圓圓
phuê-pau tsik kah înn-înn
穿是亞曼尼
tshīng sī A-má-nih
只有頭殼空空
tsí-ū thâu-khak khang-khang
彼是咱的囝兒
he sī lán ê kiánn-jî
今仔日風微微
kin-á-ji̍t hong bî-bî
涼涼仔四序
liâng-liâng-á sù-sī
輕輕鬆鬆
khin-khin-sang-sang
踮厝啉茶看電視
tiàm tshù lim tê khuànn tiān-sī
今仔日風微微
kin-á-ji̍t hong bî-bî
涼涼仔四序
liâng-liâng-á sù-sī
橫直今夜
huînn-ti̍t kim-iā
阮也無欲講政治
gún iā bô beh kóng tsìng-tī
今仔日風微微
kin-á-ji̍t hong bî-bî
涼涼仔四序
liâng-liâng-á sù-sī
隔壁阿婆咧煩惱
keh-piah a-pô leh huân-ló
怹兜的電火錢
in tau ê tiān-hué-tsînn
今仔日風微微
kin-á-ji̍t hong bî-bî
涼涼仔四序
liâng-liâng-á sù-sī
種田的朋友
tsìng-tshân ê pîng-iú
上驚GATT
siōng kiann GATT
今仔日風微微
kin-á-ji̍t hong bî-bî
涼涼仔四序
liâng-liâng-á sù-sī
做工的朋友
tsuè-kang ê pîng-iú
拍拚也有出頭天
phah-piànn iā ū tshut-thâu-thinn
今仔日風微微
kin-á-ji̍t hong bî-bî
涼涼仔四序
liâng-liâng-á sù-sī
朋友啊兄弟
pîng-iú–ah hiann-tī
咱後會有期
lán hiō-huē iú-kî
