無情批
《無情批》Bô-tsîng Phue
葉諾帆Ia̍p Lo̍k-huân
——————————————
無情批毋知看幾回
bô-tsîng phue m̄-tsai khuànn kuí huê
也是感覺是情話
iā-sī kám-kak sī tsîng-uē
夢中揣無你
bāng-tiong tshuē-bô lí
揣甲夢清醒
tshuē kah bāng tshing-tshínn
這馬誰佇你身邊
tsit-má siáng tī lí sin-pinn
放阮咧孤單
pàng gún teh koo-tuann
你敢有快活
lí kám ū khuìnn-ua̍h
深情換來夢孤單
tshim-tsîng uānn lâi bāng koo-tuann
愛也愛袂著
ài iā ài buē tio̍h
恨嘛恨袂去
hūn mā hūn buē khì
閣是憂愁落雨暝
koh sī iu-tshiû lo̍h-hōo mî
予我的批
hōo guá ê phue
囥甲攏全花
khǹg kah lóng tsuân hue
寫的字
siá ê jī
是絕情話
sī tsua̍t-tsîng uē
較乾脆傷我傷較濟
khah kan-tshè siong guá siong khah tsuē
嘛袂心魂綴你飛
mā bē sim-hûn tuè lí pue
予我的花
hōo guá ê hue
窗外放予飛
thang-guā pàng hōo pue
咱的感情袂閣加
lán ê kám-tsîng buē koh ke
留著你絕情的花批
lâu tio̍h lí tsua̍t-tsîng ê hue phue
親像風吹自由飛
tshin-tshiūnn hong-tshue tsū-iû pue
