再一次的相見
《再一次的相見》Tsài Tsi̍t-tshù ê Sio-kìnn
愛玲Ài-lîng
——————————————
已經是離開伊
í-king sī lī-khui i
袂通相見
buē-thang siong-kìnn
今日來到港口的都市
kim-ji̍t lâi-kàu káng-kháu ê too-tshī
海風的野芳味
hái-hong ê iá-phang-bī
海湧波浪單相思
hái-íng pho-lōng tuann-siunn-si
一聲再會無聽見
tsi̍t-siann tsài-huē bô thiann-kìnn
怎樣恬恬離開去
tsuánn-iūnn tiām-tiām lī-khui–khì
拜託你予我
pài-thok lí hōo guá
閣再一次的相見
koh-tsài tsi̍t-tshù ê siong-kìnn
含情就目屎滴
hâm-tsîng tiō ba̍k-sái tih
鳥隻替阮啼
tsiáu-tsiah thuè gún thî
開聲叫你離別的都市
khui-siann kiò lí lî-pia̍t ê too-tshī
海風的野芳味
hái-hong ê iá-phang-bī
海湧波浪單相思
hái-íng pho-lōng tuann-siunn-si
青春花蕊為你謝去
tshing-tshun hue-luí uī lí siā–khì
怎樣恬恬離開去
tsuánn-iūnn tiām-tiām lī-khui–khì
拜託你予我
pài-thok lí hōo guá
閣再一次的相見
koh-tsài tsi̍t-tshù ê siong-kìnn
茫茫的夜港邊
bâng-bâng ê iā-káng-pinn
想起彼當時
siūnn-khí hit-tong-sî
船螺交響著離別的都市
tsûn-lê kau-hiáng tio̍h lî-pia̍t ê too-tshī
海風的野芳味
hái-hong ê iá-phang-bī
海湧波浪心酸悲
hái-íng pho-lōng sim sng-pi
想欲綴你海角去
siūnn-beh tè lí hái-kak khì
怎樣恬恬離開去
tsuánn-iūnn tiām-tiām lī-khui–khì
拜託你予我
pài-thok lí hōo guá
閣再一次的相見
koh-tsài tsi̍t-tshù ê siong-kìnn
