你是我的玫瑰
《你是我的玫瑰》Lí Sī Guá ê Muî-kuì
葉諾帆Ia̍p Lo̍k-huân
——————————————
離別的言語
lî-pia̍t ê giân-gí
句句予人心傷悲
kù-kù hōo-lâng sim siong-pi
想欲留著你
siūnn-beh lâu tio̍h lí
我哪會無勇氣
guá ná ē bô ióng-khì
我知影我袂來放袂記
guá tsai-iánn guá buē lâi pàng-buē-kì
因為我有愛過一个你
in-uī guá ū ài kuè tsi̍t-ê lí
恬恬看著你
tiām-tiām khuànn-tio̍h lí
勝過千言佮萬語
sìng-kuè tshian-giân kah bān-gí
想欲抱著你
siūnn-beh phō tio̍h lí
我哪會又躊躇
guá ná ē iū tiû-tî
我知影
guá tsai-iánn
咱已經是過去
lán í-king sī kuè-khì
今生我猶原只愛你
kim-sing guá iu-guân tsí ài lí
你永遠攏是我的玫瑰
lí íng-uán lóng-sī guá ê muî-kuì
無人代替
bô-lâng tāi-thè
無人可比
bô-lâng khó pí
我的心中只有一个你
guá ê sim-tiong tsí-ū tsi̍t-ê lí
你永遠攏是我的玫瑰
lí íng-uán lóng-sī guá ê muî-kuì
無論千年抑是萬年
bô-lūn tshian-nî ia̍h-sī bān-nî
對你猶原猶是情意綿綿
tuì lí iu-guân iáu-sī tsîng-ì mî-mî
相逢
siong-hông
只有期待夢中見
tsí-ū kî-thāi bāng-tiong kìnn
