青翠的山嶺
《青翠的山嶺》Tshinn-tshuì ê Suann-niá
黃乙玲N̂g It-lîng
——————————————
春風吹送
tshun-hong tshue-sàng
樹欉真跳弄
tshiū-tsâng tsin thiàu-lāng
咱緊來去對面的小山崙
lán kín lâi-khì tuì-bīn ê sió suann-lūn
造成著快樂的希望
tsō-sîng tio̍h khuài-lo̍k ê hi-bāng
沿路唱歌心肝彈振動
iân-lōo tshiùnn-kua sim-kuann tuânn tín-tāng
歌聲配合跤步真輕鬆
kua-siann phuè-ha̍p kha-pōo tsin khin-sang
飄飄浮雲踮天邊
phiau-phiau phû-hûn tiàm thinn-pinn
歡迎著青春少年人
huan-gîng tio̍h tshing-tshun siàu-liân-lâng
草色青翠新鮮好芳味
tsháu-sik tshinn-tshuì sin-sian hó phang-bī
咱緊來去對面的山頂上
lán kín lâi-khì tuì-bīn ê suann tíng-siōng
完成著青春的活氣
uân-sîng tio̍h tshing-tshun ê ua̍h-khì
賭著意志來克服困難
tóo tio̍h ì-tsì lâi khik-ho̍k khùn-lân
毋驚滿身流出汗水滴
m̄-kiann muá-sin lâu-tshut kuānn-tsuí-tih
啾啾啼叫
tsiú-tsiú thî-kiò
鳥飛來
tsiáu pue–lâi
陪伴著你我心歡喜
puê-phuānn tio̍h lí guá sim huann-hí
