運河悲喜曲
《運河悲喜曲》Ūn-hô Pi-hí-khik
葉啟田Ia̍p Khé-tiân
劉燕燕Lâu Iàn-iàn
——————————————
運河見面心悲哀
ūn-hô kìnn-bīn sim pi-ai
怨恨命運來推排
uàn-hūn miā-ūn lâi tshui-pâi
阻礙著好情愛
tsóo-gāi tio̍h hó tsîng-ài
無啊無自在
bô–ah bô tsū-tsāi
伸手拭著妹仔目屎
tshun-tshiú tshit tio̍h muē-á ba̍k-sái
運河水流聲悲哀
ūn-hô tsuí lâu siann pi-ai
怨恨爸母袂了解
uàn-hūn pē-bú buē liáu-kái
破害著鴛鴦夢
phò-hāi tio̍h uan-iunn bāng
毋啊毋應該
m̄–ah m̄ ìng-kai
無想囝兒的將來
bô siūnn kiánn-jî ê tsiong-lâi
愛情害妹受拖累
ài-tsîng hāi muāi siū thua-luī
生死猶原無分開
senn-sí iu-guân bô hun-khui
手敨著褲帶
tshiú tháu tio̍h khòo-tuà
縛妹仔的跤腿
pa̍k muē-á ê kha-thuí
跳落運河永遠來做堆
thiàu lo̍h ūn-hô íng-uán lâi tsuè-tui
看君珠淚流滿面
khuànn kun tsu-luī lâu muá-bīn
阮的目屎也流盡
gún ê ba̍k-sái iā lâu tsīn
好緣份袂透流
hó iân-hūn buē thàu-lâu
無啊無要緊
bô–ah bô-iàu-kín
來去黃泉再做堆
lâi-khì hông-tsuân tsài tsuè-tui
