請你著諒解
《請你著諒解》Tshiánn Lí Tio̍h Liōng-kái
黃乙玲N̂g It-lîng
——————————————
叫一聲心所愛的
kiò tsi̍t-siann sim sóo ài–ê
請你著諒解
tshiánn lí tio̍h liōng-kái
媽媽毋知阮心內
má-mah m̄-tsai gún sim-lāi
終身替阮來安排
tsiong-sin thè gún lâi an-pâi
只有暗中流目屎
tsí-ū àm-tiong lâu ba̍k-sái
毋敢講出阮無愛
m̄-kánn kóng-tshut gún bô-ài
天下爸母心
thian-hā pē-bú sim
相信你也知
siong-sìn lí iā tsai
親情深似海
tshin-tsîng tshim sū hái
啊~忤逆爸母不應該
ah~ ngóo-gi̍k pē-bú put ìng-kai
叫一聲心所愛的
kiò tsi̍t-siann sim sóo ài–ê
請你著諒解
tshiánn lí tio̍h liōng-kái
芳花芳草滿天涯
phang-hue hong-tshó muá thian-gâi
毋通為我心悲哀
m̄-thang uī guá sim pi-ai
提出男兒的氣概
thê-tshut lâm-jî ê khì-khài
另外追求好將來
līng-guā tui-kiû hó tsiong-lâi
天下爸母心
thian-hā pē-bú sim
相信你也知
siong-sìn lí iā tsai
親情深似海
tshin-tsîng tshim sū hái
啊~怎好為我誤將來
ah~ tsuánn hó uī guá gōo tsiong-lâi
只有暗中流目屎
tsí-ū àm-tiong lâu ba̍k-sái
毋敢講出阮無愛
m̄-kánn kóng-tshut gún bô-ài
天下爸母心
thian-hā pē-bú sim
相信你也知
siong-sìn lí iā tsai
親情深似海
tshin-tsîng tshim sū hái
啊~忤逆爸母不應該
ah~ ngóo-gi̍k pē-bú put ìng-kai
