末日懺悔
《末日懺悔》Bua̍t-ji̍t Tshàm-hué【南面而歌】
毀滅體制樂團 Huí-bia̍t Thé-tsè Ga̍k-thuân
——————————————
全世界若賰一工懺悔
tsuân-sè-kài nā tshun tsi̍t-kang tshàm-hué
像搧人一个喙䫌
tshiūnn siàn lâng tsi̍t-ê tshuì-phué
咱袂去怪罪
lán bē khì kuài-tsuē
是啥人造成的問題
sī siánn-lâng tsō-sîng ê būn-tê
躊躇的半暝
tiû-tû ê puànn-mê
自頭到尾
tsū-thâu kàu-bué
命運互相設計
miā-ūn hōo-siong siat-kè
好䆀攏隨在伊畫
hó bái lóng suî-tsāi i uē
時間袂當用來喝價
sî-kan bē-tàng iōng-lâi huah-kè
人生
jîn-sing
唱袂煞的衰
tshiùnn bē suah ê sue
討債
thó-tsè
納袂了的一切
la̍p bē liáu ê it-tshè
氣勢
khì-sè
是膨風鬧熱
sī phòng-hong lāu-jia̍t
半暝眠夢攏是假
puànn-mê bîn-bāng lóng-sī ké
認真拍拚的
jīn-tsin phah-piànn–ê
就笑伊痟的
tō tshiò i siáu–ê
講咒誓的話
kóng tsiù-tsuā ê uē
尾日請伊閣講一遍
bué–ji̍t tshiánn i koh kóng tsi̍t-piàn
全無囂俳的氣魄
tsuân bô hiau-pai ê khì-phik
免去論地位懸低
bián khì lūn tē-uī kuân-kē
攏仝款了然
lóng kāng-khuán liáu-jiân
—
人的性命袂堪風吹
lâng ê sìnn-miā bē kham hong tshue
繁華價值石頭一塊
huân-huâ kè-ta̍t tsio̍h-thâu tsi̍t-tè
無定著尾日情節
bô-tiānn-tio̍h bué-ji̍t tsîng-tsiat
予悾神的人攏清醒
hōo khong-sîn ê lâng lóng tshing-tshénn
