心肝無人疼
《心肝無人疼》Sim-kuann Bô-lâng Thiànn
黃乙玲N̂g It-lîng
——————————————
想起戀情多變卦
siūnn-khí luân-tsîng to piàn-kuà
凝心規氣來看破
gîng-sim kui-khì lâi khuànn-phuà
毛毛小雨
mn̂g-mn̂g sió-hōo
綿綿落袂煞
mî-mî lo̍h buē-suah
聲聲滴落阮心肝
siann-siann tih lo̍h gún sim-kuann
為你苦情咧拖磨
uī lí khóo-tsîng teh thua-buâ
放捒美麗佮繁華
pàng-sak bí-lē kah huân-huâ
毋通袂記
m̄-thang buē-kì
兩人有咒誓
nn̄g-lâng ū tsiù-tsuā
你愛的人只有我
lí ài ê lâng tsí-ū guá
若無你
nā bô lí
心肝無人疼
sim-kuann bô-lâng thiànn
心內思慕你形影
sim-lāi su-bōo lí hîng-iánn
天邊月娘
thinn-pinn gue̍h-niû
也替阮心疼
iā thè gún sim thiànn
敢講這是阮的命
kám-kóng tse sī gún ê miā
