少年的沖沖滾
《少年的沖沖滾》Siàu-liân–ê Tshiâng-tshiâng-kún
葉文吉 Ia̍p Bûn-kiat
高雅如 Ko Ngá-jû
——————————————
沖沖滾
tshiâng-tshiâng-kún
滾沖沖
kún tshiâng-tshiâng
少年的沖沖滾
siàu-liân–ê tshiâng-tshiâng-kún
沖沖滾
tshiâng-tshiâng-kún
滾沖沖
kún tshiâng-tshiâng
少年的沖沖滾
siàu-liân–ê tshiâng-tshiâng-kún
做著廿一世紀的少年
tsuè tio̍h jia̍p-it sè-kí ê siàu-liân
啥物攏是沖沖滾
siánn-mih lóng-sī tshiâng-tshiâng-kún
做人做事愛硬軟
tsuè-lâng tsuè-sū ài ngē-nńg
啥物攏是沖沖滾
siánn-mih lóng-sī tshiâng-tshiâng-kún
衫穿名牌是激身份
sann tshīng bîng-pâi sī kik sin-hūn
電動拍甲腦鈍鈍
tiān-tōng phah kah náu tùn-tùn
讀冊是讀佇尻脊骿
tha̍k-tsheh sī tha̍k tī kha-tsiah-phiann
規工若像干樂轉
kui-kang ná-tshiūnn kan-lo̍k tńg
跳舞平車是拍拚耍
thiàu-bú phênn-tshia sī phah-piànn sńg
無拍無算戇鈍鈍
bô phah bô sǹg gōng tùn-tùn
百貨公司戇戇踅
pah-huè kong-si gōng-gōng se̍h
規工若親像干樂轉
kui-kang ná-tshin-tshiūnn kan-lo̍k tńg
沖沖滾
tshiâng-tshiâng-kún
滾沖沖
kún tshiâng-tshiâng
少年的沖沖滾
siàu-liân–ê tshiâng-tshiâng-kún
沖沖滾
tshiâng-tshiâng-kún
滾沖沖
kún tshiâng-tshiâng
少年的沖沖滾
siàu-liân–ê tshiâng-tshiâng-kún
做著廿一世紀的少年
tsuè tio̍h jia̍p-it sè-kí ê siàu-liân
你著聽人來苦勸
lí tio̍h thiann lâng lâi khóo-khǹg
趁著少年愛拍拚
thàn tio̍h siàu-liân ài phah-piànn
愛為將來來拍算
ài uī tsiong-lâi lâi phah-sǹg
