咱的天
《咱的天》Lán ê Thinn
楊靜 Iûnn Tsīng
李明洋 Lí Bîng-iông
——————————————
(女)
有你在阮身邊
ū lí tsāi gún sin-pinn
何必徘徊街路市
hô-pit pâi-huê ke-lōo-tshī
入夜孤單的買醉
ji̍p-iā koo-tuann ê bé-tsuì
因為你也早就醒
in-uī lí iā tsá tiō tshínn
(男)
予我在你身邊
hōo guá tsāi lí sin-pinn
做你溫暖的空氣
tsuè lí un-luán ê khong-khì
夜夜伴你看天星
iā-iā phuānn lí khuànn thinn-tshinn
月光做咱的舞池
gue̍h-kng tsuè lán ê bú-tî
(女)
風雨聲
hong-hōo siann
若樂隊
ná ga̍k-tuī
(男)
我會予你
guá ē hōo-lí
比啥物閣較媠
pí siánn-mih koh-khah suí
比啥物閣較甜
pí siánn-mih koh-khah tinn
(女)
甘願將阮的人生綴你去
kam-guān tsiong gún ê jîn-sing tuè lí khì
無論海角抑天邊
bô-lūn hái-kak ia̍h thinn-pinn
(男)
我會用我的性命保護你
guá ē iōng guá ê sìnn-miā pó-hōo lí
無論山崩抑地裂
bô-lūn suann-pang ia̍h tē-li̍h
(女)
甘願永遠陪伴你到深更
kam-guān íng-uán puê-phuānn lí kàu tshim-kinn
無論病痛抑生死
bô-lūn pīnn-thiànn ia̍h sinn-sí
(男)
我甘願伴你飛向天
guá kam-guān phuānn lí pue hiòng thinn
(女)
我毋願戀花孤單開
guá m̄-guān luân-hue koo-tuann khui
(合)
人生最後也欲睏仝位
jîn-sing tsuè-āu iā beh khùn kāng uī
