傷心新機場
《傷心新機場》Siong-sim Sin Ki-tiûnn
黃乙玲N̂g It-lîng
——————————————
機票提在你手中
ki-phiò the̍h tsāi lí tshiú-tiong
行李已經也過磅
hîng-lí í-king iā kuè-pōng
叮嚀的話
ting-lîng ê uē
講甲幾若遍
kóng kah kuí-lō piàn
只有再會兩字
tsí-ū tsài-huē nn̄g-jī
毋敢講
m̄-kánn kóng
你的笑容真勉強
lí ê tshiò-iông tsin bián-kióng
我知你個性倔強
guá tsai lí kò-sìng ku̍t-kiông
越頭過去
ua̍t-thâu kuè–khì
講這个新機場
kóng tsit ê sin ki-tiûnn
怎有風沙飛入你眼中
tsuánn ū hong-sua pue ji̍p lí gán-tiong
窗外萬里無雲
thang-guā bān-lí bô-hûn
照袂光阮暗淡的心情
tsiò buē kng gún àm-tām ê sim-tsîng
世事無常
sè-sū bû-siông
人生多變
jîn-sing to-piàn
未來啥人講會準
bī-lâi siánn-lâng kóng ē tsún
眼前一片雺霧
gán-tsîng tsi̍t-phiàn bông-bū
看袂清你這陣的模樣
khuànn buē-tshing lí tsit-tsūn ê bôo-iūnn
今日離開
kim-ji̍t lī-khui
何日再見
hô-ji̍t tsài kìnn
我也已經毋敢想
guá iā í-king m̄-kánn siūnn
相送已經到最後
sio-sàng í-king kàu tsuè-āu
揣無理由將你留
tshuē-bô lí-iû tsiong lí lâu
恬恬看你
tiām-tiām khuànn lí
消失在人海中
siau-sit tsāi jîn-hai tiong
我猶戇戇毋願走
guá iáu gōng-gōng m̄-guān tsáu
—
恬恬看你
tiām-tiām khuànn lí
消失在新機場
siau-sit tsāi sin ki-tiûnn
我猶戇戇毋願行
guá iáu gōng-gōng m̄-guān kiânn
