敢有四配
《敢有四配》Kám Ū Sù-phuè
黃乙玲N̂g It-lîng (迪克牛仔合唱)
————————-
女：
我勸你毋通傷聳勢
guá khǹg lí m̄-thang siunn sáng-sè
予朋友看你的笑話
hōo pîng-iú khuànn lí ê tshiò-uē
規日捋捋趖玲瑯踅
kui ji̍t lua̍h-lua̍h-sô lin-long-se̍h
頭鬃攏毋捌落予平
thâu-tsang lóng m̄-bat làu hōo pênn
男：
恁朋友實在毋捌貨
lín pîng-iú si̍t-tsāi m̄-bat huè
像這範飄撇的少年家
tshiūnn tsik-pān phiau-phiat ê siàu-liân-ke
十八般武藝逐項會
tsa̍p-peh-puann bú-gē ta̍k-hāng ē
全世界你揣無第二个
tsuân sè-kài lí tshuē-bô tē-jī–ê
女：
自從佮你熟似
tsū-tsiông kah lí si̍k-sāi
親像咧做風颱
tshin-tshiūnn teh tsuè-hong-thai
掃過去掃過來
sàu kuè-khì sàu kuè-lâi
跤步攏徛袂在
kha-pōo lóng khiā buē tsāi
男：
男子漢真四海
lâm-tsú-hàn tsin sù-hái
上驚世面毋知
siōng kiann sè-bīn m̄-tsai
毋管你偌厲害
m̄-kuán lí guā lī-hāi
教予你乖乖乖
kà hōo-lí kuai̋-kuai-kuai
女：
阮媽媽早就有講過
gún má-mah tsá tiō ū kóng–kuè
上巧的人是天公伯
siōng khiáu ê lâng sī thinn-kong-peh
抾東抾西抾無半个
khioh tang khioh sai khioh bô-puànn-ê
互相有意愛就四配
hōo-siong ū ì-ài tiō sù-phuè
女：
你講話遮唱聲
lí kóng-uē tsiah tshiàng-siann
我心頭掠袂定
guá sim-thâu lia̍h buē tiānn
無講你毋知影
bô kóng lí m̄ tsai-iánn
阮無愛烏狗兄
gún bô-ài oo-káu-hiann
男：
我做人好名聲
guá tsuè-lâng hó miâ-siann
轟動厝邊隔壁
hong-tōng tshù-pinn keh-piah
你實在有福氣啦
li sit-tsai u hok-khi–lah
有我來疼命命
ū guá lâi thiànn-miā-miā
