夢天夢地
《夢天夢地》Bāng Thinn Bāng Tē
黃乙玲N̂g It-lîng
——————————————
看見對面
khuànn-kìnn tuì-bīn
彼个緣投的少年家
hit ê iân-tâu ê siàu-liân-ke
對我笑咪咪
tuì guá tshiò bi-bi
又閣咧使目尾
iū-koh teh sái-ba̍k-bué
約我欲踅街
iok guá beh se̍h-ke
招我行卡拉OK
tsio guá kiânn kha-la OK
講我命底
kóng guá miā-té
今年愛嫁
kin-nî ài kè
自認是山伯嘛來出世
tsū-jīn sī San-phik–mah lâi tshut-sè
講我是英臺佮伊相欠債
kóng guá sī Ing-tâi kah i sio-khiàm-tsè
講阮是七世的夫妻
kóng guán sī tshit-sè ê hu-tshe
應該著愛結做伙
ìng-kai tio̍h-ài kat tsò-hué
哪會哪會遮爾厚面皮
ná ē ná ē tsiah-nī kāu-bīn-phuê
雄雄煞醒來
hiông-hiông suah tshínn–lâi
才知夢天佮夢地
tsiah tsai bāng thinn kah bāng tē
好佳哉
hó-ka-tsài
害我掣一下
hāi guá tshuah tsi̍t-ē
