相欠債
《相欠債》Sio-khiàm-tsè
黃乙玲N̂g It-lîng
——————————————
為何千千萬萬人
uī-hô tshian-tshian-bān-bān lâng
阮偏偏佮意你
gún phian-phian kah-ì lí
敢講阮的頂世人
kám-kóng gún ê tíng-sì-lâng
有虧欠著你啥物
ū khui-khiàm tio̍h lí siánn-mih
今仔日專工
kia̋n-ji̍t tsuan-kang
來還你一寡感情債
lâi hâinn lí tsi̍t-kuà kám-tsîng tsè
啊~誰知影愛
ah~ siáng tsai-iánn ài
會愈欠愈濟
ē jú khiàm jú tsē
冤家的時陣
uan-ke ê sî-tsūn
阮就後悔
gún tiō hiō-hué
當初佮你做伙
tong-tshoo kah lí tsò-hué
朋友苦勸的話
pîng-iú khóo-khǹg ê uē
阮共伊當做放風吹
gún kā i tòng-tsò pàng hong-tshue
相好的時陣
siong-hó ê sî-tsūn
阮就感覺佮你上四配
gún tiō kám-kak kah lí siōng sù-phuè
心甘情願
sim kam tsîng guān
予你拖咧戇戇踅
hōo lí thua teh gōng-gōng se̍h
是毋是頂世人
sī-m̄-sī tíng-sì-lâng
阮佮你有相欠債
gún kah lí ū sio-khiàm-tsè
阮才會連鞭歡喜
gún tsiah ē liâm-mi huann-hí
連鞭怨慼
liâm-mi uàn-tsheh
是毋是頂世人
sī-m̄-sī tíng-sì-lâng
阮佮你有相欠債
gún kah lí ū sio-khiàm-tsè
阮才會親像
gún tsiah ē tshin-tshiūnn
一蕊孤戀的花
tsi̍t-luí koo-luân ê hue
