非常女
《非常女》Hui-siông-lú
黃妃 N̂g Hui
——————————————
緣投無啥物稀奇
iân-tâu bô-siánn-mih hi-kî
有錢的踢一邊
ū-tsînn ê that tsi̍t-pinn
看來看去
khuànn lâi khuànn khì
也是有氣魄的人較佮意
iā-sī ū khì-phik ê lâng khah kah-ì
風啊
hong–ah
請你將我的愛情
tshiánn lí tsiong guá ê ài-tsîng
吹向天邊
tshue hiòng thinn-pinn
化成雨水
huà sîng hōo-tsuí
沃醒不解情意的伊
ak tshínn put-kái tsîng-ì ê i
一陣風一句話
tsi̍t tsūn hong, tsi̍t kù uē
一滴雨水一分痴
tsi̍t tih hōo-tsuí, tsi̍t hun tshi
用真情編織的夢
iōng tsin-tsîng pian-tsit ê bāng
比花蜜較甜
pí hue-bi̍t khah tinn
短短的感情路
té-té ê kám-tsîng lōo
卻是千萬年
khiok-sī tshian-bān nî
痴情無啥物意義
tshi-tsîng bô-siánn-mih ì-gī
有勢的請一邊
ū-sè ê tshiánn tsi̍t-pinn
想來想去
siūnn lâi siūnn khì
也是有理想的人較佮意
iā-sī ū lí-sióng ê lâng khah kah-ì
月啊
gue̍h–ah
請你照明
tshiánn lí tsiò-bîng
阮的感情路
gún ê kám-tsîng lōo
毋通予阮
m̄-thang hōo gún
毋知何去何從
m̄-tsai hô-khì hô-tsiông
一場夢一段情
tsi̍t tiûnn bāng, tsi̍t tuānn tsîng
一滴目屎一陣悲
tsi̍t tih ba̍k-sái, tsi̍t tsūn pi
用思念編織的夢
iōng su-liām pian-tsit ê bāng
永遠咧纏綿
íng-uán teh tînn-mî
酸甘甜的情路
sng-kam-tinn ê tsîng-lōo
夢圓等何時
bāng înn tán hô-sî
