盼
《盼》Phàn
黃乙玲N̂g It-lîng
——————————————
夜深人靜踮門外
iā tshim jîn tsīng tiàm mn̂g-guā
微微聽見落葉聲
bî-bî thiann-kìnn lo̍h-hio̍h siann
來到的秋冬
lâi-kàu ê tshiu-tang
猶原是孤單
iu-guân sī koo-tuann
冷風吹來是思念
líng-hong tshue–lâi sī su-liām
攑頭不時望啊望
gia̍h-thâu put-sî bāng–ah bāng
等待兩字掛天邊
tán-thāi nn̄g-jī kuà thinn-pinn
想你的憂愁
siūnn lí ê iu-tshiû
化做露水滴
huà-tsuè lōo-tsuí tih
流著滿滿的相思
lâu tio̍h muá-muá ê siunn-si
盼啊盼過每一个春天
phàn–ah phàn kuè muí tsi̍t-ê tshun-thinn
緣啊緣份
iân–ah iân-hūn
哪無替咱牽成
ná bô thè lán khan-sîng
等無你一人
tán bô lí tsi̍t-lâng
猶原為你夢啊夢
iu-guân uī lí bāng–ah bāng
敢講著愛苦苦思戀
kám-kóng tio̍h-ài khóo-khóo su-luân
盼啊盼啊
phàn–ah phàn–ah
盼咱會相隨
phàn lán ē siong-suî
等啊等天完成阮的心願
tán–ah tán thinn uân-sîng gún ê sim-guān
期待有一工
kî-thāi ū tsi̍t-kang
幸福花蕊若紅
hīng-hok hue-luí nā âng
永遠毋願放
íng-uán m̄-guān pàng
你是阮的希望
lí sī gún ê hi-bāng
