媠媠媠
《媠媠媠》Suí Suí Suí
黃妃 N̂g Hui
——————————————
二八青春媠姑娘
jī-pat tshing-tshun suí koo-niû
無煩無惱無憂愁
bô-huân bô-ló bô iu-tshiû
女人天生的溫柔
lú-jîn thian-sing ê un-jiû
深情的目睭
tshim-tsîng ê ba̍k-tsiu
紅紅喙脣免水粉
âng-âng tshuì-tûn bián tsuí-hún
迷人勾魂目睫毛
bê-lâng kau-hûn ba̍k-tsiu-mn̂g
善解人意的心腸
siān-kái jîn-ì ê sim-tn̂g
彼个人就是阮
hit-ê lâng tiō-sī gún
啊~媠媠媠媠媠噴噴
ah~ suí suí, suí suí, suí-phùn-phùn
緣份無上門
iân-hūn bô tsiūnn-mn̂g
啥人是阮如意郎君
siánn-lâng sī gún jû-ì lông-kun
啥人遮幸運
siánn-lâng tsiah hīng-ūn
雖然媠媠媠媠媠噴噴
sui-jiân suí suí, suí suí, suí-phùn-phùn
阮嘛真認份
gún mā tsin jīn-hūn
花花世界鬧熱滾滾
hua-hua sè-kài lāu-jia̍t kún-kún
阮猶原
gún iu-guân
守在阮窗門
siú tsāi gún thang mn̂g
