大舞臺
《大舞臺》Tuā Bú-tâi
黃妃 N̂g Hui
——————————————
思念是一扇門啊
su-liām sī tsi̍t-sìnn mn̂g–ah
定定掛佇阮身邊
tiānn-tiānn khuà tī gún sin-pinn
愛人迒過這扇門啊
ài-jîn hānn kuè tsit sìnn mn̂g–ah
夜夜夢中來相見
iā-iā bāng-tiong lâi sann-kìnn
吹南風
tshue lâm-hong
吹著火紅鳳凰花開
tshue tio̍h hué-âng hōng-hông-hue khui
吹南風
tshue lâm-hong
吹著春心蕩漾啊
tshue tio̍h tshun-sim tōng-iōng–ah
阮心親像海底針
gún sim tshin-tshiūnn hái-té tsiam
茫茫人海走揣你
bâng-bâng jîn-hái tsáu-tshuē lí
咿~~啊~啊~
i~~ ah~ ah~
啥物款的天星
siánn-meh khuán ê thinn-tshinn
啥物款的月娘
siánn-meh khuán ê gue̍h-niû
啥物款的E-mail
siánn-meh khuán ê E-mail
啥物款的愛情
siánn-meh khuán ê ài-tsîng
啥物款的深更
siánn-meh khuán ê tshim-kinn
啥物款的日頭
siánn-meh khuán ê ji̍t-thâu
啥物款的苦楚
siánn-meh khuán ê khóo-tshóo
啥物款的等待
siánn-meh khuán ê tán-thāi
是你的笑容
sī lí ê tshiò-iông
困擾著我
khùn-jiáu tio̍h guá
困擾著我
khùn-jiáu tio̍h guá
困擾著我
khùn-jiáu tio̍h guá
孤單一个人
koo-tuann tsi̍t-ê lâng
來到痴情的大都市
lâi-kàu tshi-tsîng ê tuā too-tshī
盈暗阮佇大舞臺頂
îng-àm gún tī tuā bú-tâi tíng
想你
siūnn lí
