風沙
《風沙》Hong-sua
黃妃N̂g Hui
——————————————
繁華人生轉眼過
huân-huâ jîn-sing tsuán-gán kuè
懵懂的愛情隨風飛
bóng-tóng ê ài-tsîng suî hong pue
我若親像一隻風吹
guá ná-tshin-tshiūnn tsi̍t-tsiah hong-tshue
飄落踮塵緣戇戇啊踅
phiau lo̍h tiàm tîn-iân gōng-gōng–ah se̍h
胭脂紅塵漸漸退
ian-tsi hông-tîn tsiām-tsiām thè
冷暖的人情算啥貨
líng-luán ê jîn-tsîng sǹg siánn-huè
無論野草抑是花
bô-lūn iá-tsháu ia̍h-sī hue
蛻變的過程上美麗
thuè-piàn ê kuè-tîng siōng bí-lē
啊~陣陣風沙
ah~ tsūn-tsūn hong-sua
陣陣滾起
tsūn-tsūn kún khí
阮心酸的過去
gún sim-sng ê kuè-khì
啊~毋敢回頭
ah~ m̄-kánn huê-thâu
毋敢想起
m̄-kánn siūnn-khí
阮的夢已經醒
gún ê bāng í-king tshínn
啊~浮沉人生
ah~ phû-tîm jîn-sing
點滴心頭
tiám tih sim-thâu
阮也已經麻痺
gún iā í-king bâ-pì
啊~彼款傷心
ah~ hit khuán siong-sim
彼款稀微
hit khuán hi-bî
全部放予記記
tsuân-pōo pàng hōo kì-kì
不再流淚
put-tsài liû-luī
不再心碎
put-tsài sim tshuì
阮只留幸福踮阮身邊
gún tsí lâu hīng-hok tiàm gún sin-pinn
