貝比
《貝比》
黃妃N̂g Hui
——————————————
我講你笑容迷人
guá kóng lí tshiò-iông bê-lâng
就親像蜜糖甘甜
tiō tshin-tshiūnn bi̍t-thn̂g kam-tinn
愛看你槌槌戇戇
ài khuànn lí thuî-thuî gōng-gōng
微微的笑容親像Baby
bî-bî ê tshiò-iông tshin-tshiūnn Baby
你講我眼神迷人
lí kóng guá gán-sîn bê-lâng
就親像天頂的星
tiō tshin-tshiūnn thian-tíng ê tshinn
迷戀我閃閃爍爍
bê-luân guá siám-siám-sih-sih
朦朦的神情充滿神祕
bông-bông ê sîn-tsîng tshiong-buán sîn-pì
兩人相依相倚
nn̄g-lâng sio-i sio-uá
攑傘的落雨天
gia̍h suànn ê lo̍h-hōo-thinn
對我輕聲細說
tuì guá khin-siann-sè-sueh
散步淡水八里
sàn-pōo Tām-tsuí Pat-lí
苦苦甜甜
khóo-khóo tinn-tinn
思念你的滋味
su-liām lí ê tsu-bī
歡歡喜喜
huann-huann-hí-hí
等待你寫的批信
tán-thāi lí siá ê phue-sìn
Baby Baby
今仔日你敢有元氣
kin-á-ji̍t lí kám ū guân-khì
暝暝相思
mî-mî siunn-si
敢有想我咧想你
kám ū siūnn guá teh siūnn lí
酸酸甜甜
sng-sng tinn-tinn
煞著你的氣味
sannh-tio̍h lí ê khì-bī
歡歡喜喜
huann-huann-hí-hí
收著你寄的玫瑰
siu-tio̍h lí kià ê muî-kuì
Baby Baby
今仔日你敢有元氣
kin-á-ji̍t lí kám ū guân-khì
暝暝相思
mî-mî siunn-si
伴我海角天邊
phuānn guá hái-kak thinn-pinn
