無常
《無常》Bû-siông
黃妃 N̂g Hui
——————————————
平常號做照規矩
pîng-siông hō-tsuè tsiàu-kui-kí
正常號做有道理
tsìng-siông hō-tsuè ū-tiō-lí
別人代誌真好奇
pa̍t-lâng tāi-tsì tsin hònn-kî
定定嘛回頭笑自己
tiānn-tiānn mā huê-thâu tshiò tsū-kí
四常當做真慣勢
sù-siông tòng-tsuè tsin kuàn-sì
好䆀欲算算袂清
hó bái beh sǹg, sǹg buē tshing
緣份若好來又好去
iân-hūn nā hó lâi iū hó khì
真正欲放
tsin-tsiànn beh pàng
放袂離
pàng buē-lī
時間若欲講後悔
sî-kan nā beh kóng hiō-hué
不時仔日出看希望
put-sî-á ji̍t-tshut khuànn hi-bāng
日落就怨嘆
ji̍t lo̍h tiō uàn-thàn
感情若欲講輸贏
kám-tsîng nā beh kóng su-iânn
不時仔問神抽籤詩
put-sî-á mn̄g-sîn thiu-tshiam-si
跋桮兼算命
pua̍h-pue kiam sǹg-miā
世事若欲驚惶
sè-sū nā beh kiann-hiânn
上驚是當下怨無常
siōng kiann sī tong-hā uàn bû-siông
無常笑當下
bû-siông tshiò tong-hā
