無字天書
《無字天書》Bô-jī Thian-su
黃妃N̂g Hui
——————————————
初戀的人逐工見面
tshoo-luân ê lâng ta̍k-kang kìnn-bīn
熱戀的人減一條筋
jia̍t-luân ê lâng kiám tsi̍t-tiâu kin
迷戀的人頭眩眩
bê-luân ê lâng thâu hîn-hîn
思戀的人無頭無神
su-luân ê lâng bô-thâu bô-sîn
你的聰明天真
lí ê tshong-bîng thian-tsin
我相信
guá siong-sìn
你的溫柔體貼
lí ê un-jiû thé-thiap
我承認
guá sîng-jīn
佮你鬥陣
kah lí tàu-tīn
春風滿面
tshun-hong muá-bīn
阮有一个幸福的愛人
gún ū tsi̍t-ê hīng-hok ê ài-jîn
愛情親像一本無字天書
ài-tsîng tshin-tshiūnn tsi̍t-pún bô-jī thian-su
有情的人才看有
ū-tsîng ê lâng tsiah khuànn-ū
痴情的人
tshi-tsîng ê lâng
看著感動歌詞
khuànn-tio̍h kám-tōng kua-sû
煞來想起彼段傷心往事
suah lâi siūnn-khí hit tuānn siong-sim óng-sū
愛情親像一本無字天書
ài-tsîng tshin-tshiūnn tsi̍t-pún bô-jī thian-su
無情的人欲哪看有
bô-tsîng ê lâng beh ná khuànn-ū
痴情的人
tshi-tsîng ê lâng
因為無情辜負
in-uī bô-tsîng koo-hū
才了解有緣無緣
tsiah liáu-kái ū-iân bô-iân
由天做主
iû thinn tsuè-tsú
