溫柔的外衫
《溫柔的外衫》Un-jiû ê Guā-sann
黃妃 N̂g Hui
———————–
世間上癡情的人 敢是我
sè-kan siōng tshi-tsîng ê lâng, kám-sī guá
夢破心碎也毋知驚
bāng phuà sim tshuì iā m̄-tsai kiann
你對阮已經無感覺
lí tuì gún í-king bô kám-kak
猶原將感情縛踮心肝
iu-guân tsiong kám-tsîng pa̍k tiàm sim-kuann
世間上蓋巧的人 敢是你
sè-kan siōng kài khiáu ê lâng, kám-sī lí
高明手段 百般隱瞞
ko-bîng tshiú-tuānn, pah-puann ún-muâ
你放阮孤單受風寒
lí pàng gún koo-tuann siū hong-kuânn
猶原將愛 攬入性命
iu-guân tsiong ài, lám ji̍p sìnn-miā
你披著溫柔的外衫
lí phi-tio̍h un-jiû ê guā-sann
揹著無心的罪名
phāinn-tio̍h bô-sim ê tsuē-miâ
講愛攏是欺騙我
kóng ài, lóng-sī khi-phiàn guá
哪會毋甘放你行
ná ē m̄-kam pàng lí kiânn
阮守著痴心的形影
gún siú-tio̍h tshi-sim ê hîng-iánn
等你轉來的跤步聲
tán lí tńg–lâi ê kha-pōo-siann
講愛攏是欺騙我
kóng ài, lóng-sī khi-phiàn guá
雄雄一看
hiông-hiông tsi̍t-khuànn
才知我的心真正疼
tsiah tsai guá ê sim tsin-tsiànn thiánn
